Tanaw Ko Ang Istasiyon Ng Tren

(Repost from friendster dated June 11, 2007)

"Tak, tak, tak, tak..." Tunog ng baril na kumakasa sa TimeCrisis sa loob ng Timezone.
Padami ng padami ang mga taong nanunuod... Nang biglang nagvibrate ang cell...
"Parating na ko."
Medyo matagal tagal pa ang ginugol na oras para tapusin ang game... Pero di niya ito tinapos paubos na rin ang load sa card...
"Asan ka na?"
"Andito ako sa food choices."
Di nagtagal nagkita na sila...
"Kamusta na?"
"Okay lang. Di ko pa tinapos ang enrollment di pa ako nagpapapicture para sa bagong ID"
Napaupo sila sa table malapit sa table kung saan una silang nagkita.
"Gagawin natin? Late na rin e. Di ako pwede after 7."
"Yeah, 'lam ko. Eto nga pala mga picture sa outing. Hanapin mo nga ung ibong jan. hehe..."
"Eto ba? Ung nasa langit? O ano? Dinner nalang?"
"Yup. Saan tayo?"
"Kaw?"
"May alam ako sa labas wala dito sa loob."
"Bili muna tayo ng choco-caramel roll."
Nilibot nila ang mall para lang hanapin ung roll... Sa wakas nahanap din...
"Slice of the day: choco-caramel roll"
"E di pwede yan para sa mga meals nila yan e..."
"Ganun? E di ung half roll nalang..."
Pumila na sila at binili ang choco-caramel roll. Di pa niya sinubukang kumain niyan pero mukhang gustung-gusto ng kanyang kasama...
"San na tayo?"
"Dito tayo dumaan..."
"Ay... wait dito nalang tayo... Gusto ko ng Mojos!"
"Spaghetti, mojos, at pizza... at ice tea..."
Habang hinihintay ang mga order hiniwa na nila ang choco-caramel roll... Tig-iisa sila ng slice...
"Masarap?"
"Um... Okay... Okay naman ang timpla..."
"Eto! Eto ang pinakafavorite ko!"
After ng dinner, dumeretso na sila sa sakayan...
"Oops! Teka bibili muna ako ng pammasahe..."
"Uy! Teka P100 na damit!"
"Nu bagay sakin?"
"Brown."
"Tara na nagtext na si mama hinahanap na ako..."
"Sige samahan kita sa sakayan..."
Sa sakayan... Dito nagsimula ang unang away ng dalawa may isang taon nang nakakaraan... Sa bangko malapit sa check point papasok sa carpark, may napansin silang magnobyong nakaupo... Bumalik ang nakaraan...
"May sasabihin lang ako sa iyo..." Sabay upo... Sa isang napakaseryosong tono... Sabay labas ng isang picture...
"Anak ko to." Kasama ng isang seryosong titig...
"Oh? Anak mo?" Isang malamig na tanong...
"Oo..." Sabay tango...
Hindi niya alam kung ano ang kanyang sasabihin... Mahal na mahal niya ang babaeng iyon... Sa loob ng fx... Nakahawak parin ang kanilang kamay...
"Oh...? Bakit ka tulala? Siguro sa sinabi ko kanina no? Pamangkin ko yon..."
"Please... Ayokong magkamali..." Mahinang bulong habang nakasandal ang pisngi sa mahabang buhok...
Nagpaalam na nang maihatid na niya sa sakayan ng tricycle... Pagbaba sa estasyon ng tren, tinext niya ito...
"It wasn't a nice joke." Mahal niya ung girl... Mahal na mahal... Di niya talaga alam kung ano ang sasabihin niya sa kanyang parents kung totoo nga ang sinabi... Tatanggapin nila ang girl o hindi... Ang alam lang niya mahal niya ang babaeng iyon... Kahit anong mangyari ipaglalaban niya ito... Nagtext back ang girl...
"Bakit kung may anak na ba ako di mo na akong mahal?"
Hindi na niya alam kung ano ang dapat gawin... Ito na ang unang away nila... Habang ang isang kamay ay hawak ang rosaryong kabibigay lang sa kanya...
"Mahal ko siya kahit anong mangyari..." Ito ang tanging bulong niya sa sarili...
"Oy! Magbayad na kayo? P20..." Sigaw ng isang taga-singil sa may sakayan...
"Eto may 40 ako..."
"Wag na! wag mo na ako ihatid..."
"Sige... Mag-iingat ka ha..."
"Mahal kita..."
"Lam ko..."
"Tignan natin kung ano mangyayari sa atin... After 1yr..."
Sa katagang yon... Napatingala siya... Sa kanyang posisyon, natatanaw niya ang maliwanag na buwan na isa sa mga bagay na nagbibigay liwanag... At sa paghawak niya sa kamay tanaw niya ang istasiyon ng tren na pinanggalingan at saksi sa mga pangyayari...
"Text mo ko pag-uwi mo..."
"Oo..."