Kuwento Ng Balot

Ang balot ay isang uri ng itlog na kinagigiliwan nating kainin… Isang uri itong delicacy na ang laman ng itlog ay sisiw… Isa daw itong pampalakas… Vitamins kumbaga…

Tuwing gabi sa lugar na pinapasukan ko may naglalako niyan na empliyado… Pag dumadaan si Manang aalukin ako “Gusto mo ba ng balot? Penoy?”

Kinasanayan na nating sabihin na “Yung maraming sabaw po ang ibigay niyo ha?”

At natural na sasabihin ng nagtitinda na “Oo, masabaw yan…”

Ngunit sigurado ba siya sa sinasabi niya? Siguradong masabaw daw iyan…

Mamaya-maya, may narinig ako sa kasama ko… “Niloko tayo ni Manang! Di naman masabaw ah! Malaki pa ang sisiw!”

Hindi sila niloko ni Manang… Sila ang nanloko sa sarili nila… Kahit sino ay di alam ang laman ng itlog… Hindi kasi nakikita ang loob nito… Naniwala sila agad na masabaw daw… Kahit sino na may negosiyo o hanapbuhay ng paglalako ay magsasabi na maganda ang produkto nila at sinisigurado nila ang kagustuhan ng mga mamimili…

Subukan niyong bumili ng mga pagkain inihahain sa karindirya… “Maanghang po ba ito?” Sasabihin nila na “Oo, maanghang ito…” Dahil akala nila gusto niyo ng maanghang… Ngunit sa tingin ko di naman ito maanghang… Curry po ang tinutukoy ko na walang quality…

Parang sinasabi ng isang may nirereto… “Oo, may kakilala akong tall, dark, and handsome…” o “May kakilala akong sweet and sexy…”

Hindi importante sa akin ang mga quality na iyan… dahil lahat po tayo ay may kapintasan… Hindi perpekto dahil tayo ay tao lamang… Ngunit meron po tayong sariling kalidad… Kalidad na makikita lamang sa iisang tao… Ispesiyal na binigay ito sa atin ng Banal Na Gabay…

“Imperfect is perfect” – Isa sa mga paborito kong motto…