Pagbabalatkayo

Feb. 22, 2006 0600hrs - 0800hrs

Gumising ako ng napakaaga para lang umabot sa appointment ko para sa ngayong araw na ito... 8 o' clock na wala pa ung kaapointment ko...

May dumating na kotse... Pinasakay ako...

"Nakapagreview ka na ba?"

"Medyo..."

"Wag mong ibabagsak yan ha. Kundi balik ka sa susunod na buwan."

Ito ang araw na tinakda ko para kumuha ng exams sa LTO...

Feb. 22, 2006 0900hrs

Nakarating na kami sa LTO...

Pagpasok sa loob... Inasikaso kaagad ang mga papeles ko para sa medical and drug test...

Feb. 22, 2006 0930hrs

"Inaannounce po namin na nagkaroon po kami ng computer slowdown, nation wide po ito..."

Akala ko di nangyayari ito sa government agencies? Dahil may tamang kaalaman ako sa pagkukumpuni ng computer... Alam ko na either magkakaroon talaga ng lag sa system o talagang nagloloko ang computer... Since sinabi nilang nation wide ito ibig sabihin main server nila may problema... Sa main office, wala po sa dito...

Simula nung graduation ko... Marami na akong napupuntahang government agencies na katulad ng LTO... Siyempre ang una sa listahan ay ang PRC... Sunod diyan ang NBI, BFAD, BIR, Immigration, at ang pinakahuli ang LTO...

Lahat po sila government agencies... Public service di ba? Pero alam niyo po ba na iisa lang po ang estilo pag gusto niyong maglakad diyan ng papeles? Una dapat sa listahan ay magdala ng pera, sunod diyan ang pagkain (para sa lunch), at magdala pa ng mga bolpen, at mga importanteng numero katulad ng SSS, TIN, ...etc...

Naranasan ko sa lahat ng ahensiya na iyan na magtawid gutom... Dahil sa kabagalan ng proseso at kapalpakan ng mga komputer...

Pagdating sa professionalism... bibigyan ko ng "0" ang PRC... Bakit? e, masasama ang ugali ng mga tao dun eh... Tama ba yan? Tapos sasabihin nila "Be professional?"

Feb. 22, 2006 1200hrs...

As usual di pa tapos ang proseso nagpapicture na ako... pero wala pa akong nababayaran sa cashier dahil ang speed daw ay 5 transactions per hour na daw... Ganon kabagal...

Feb. 22, 2006 1330hrs...

Tinawag na ang pangalan ko, nagbayad na ako sa cashier... Mamaya-maya binigay na sa akin ang mga papeles ko. pwede na akong kumuha ng exam...

Feb. 22, 2006 1400hrs...

Kukuha na ako ng exams... pagpasok ko sa examination room... Grabe, mukhang wala ang proctor ah... Makikita mo sa loob ng silid ang mga traffic signs... Di ba bawal iyan? Yung iba nagpapaturo pa... Pwedeng tumayo, magbukas ng reviewer wag lang magpapahuli sa nakaupo sa may pintuan... kopyahan? (di ba computerize to? random ang questions?) di natin masisisi ang mga kumukuha ng exams dahil karamihan sa kanila ay mga professional driver's license ang kukunin... Para sa kanilang hanap-buhay...

Pero kahit na di ba? kaya nga po tinawag na exams to eh... Tinapos ko ang exam sa loob ng 30 minuto... 40 items lang eh... (di po ako nag-aral at wala po ako sa mood magreveiw)

Mamaya-maya lumabas na ang resulta ng exam... pasado ako... 95% nakuha ko... Malungkot parin ako... (may problema kasi ako eh...)

Umuwi na ako... Instruction kasi sa akin ng driving school. Sila na raw ang kukuha ng lisensiya ko...